കര്പ്പൂരത്തിരികള് കത്തിച്ചുവച്ച്, നിലാവ്പെയ്യുന്ന രാവുകളില്
പഴയസൗഹൃദങ്ങളുടെ കെട്ടുറപ്പിനായി ഒരിക്കല് കൂടി നമുക്കൊരുമിക്കാം.
ഇന്ന്......
പത്തുമണിപ്പൂക്കള് വിരിയുമ്പോള് എന്റെ ക്രീയകളുടെ ആരംഭവും,
നാലുമണിപ്പൂക്കള് വിരിയുമ്പോള് അവയുടെ അവസാനവും ഞാനറിയുന്നു.
ഇവിടെ പുതിയ തിരിച്ചറിയലുകള്......
ഇനി പ്രവചനങ്ങളുടേയും കണക്ക് കൂട്ടലുകളുടേയും പിഴച്ച ചുവടുവയ്പ്പുകളുടേയും
സമാഹാരം തേടി നമുക്ക് യാത്ര തിരിക്കാം...
വഴിയോരത്തെ പീടികത്തിണ്ണയിലോ,പഴയപാരലല് കോളേജിലോ,
അതുമല്ലെങ്കില് ഏതെങ്കിലും ഉല്ലാസകേന്ദ്രത്തിലെ വൃത്തികെട്ട ഹോട്ടല്മുറികളിലോ വച്ച്
സൂചിമുഖിപ്പക്ഷികള് ചെമ്പരത്തിപ്പൂക്കളില് നിന്ന് ചുടുതേന് നുകരുന്നപോലെ,
പരസ്പരം ചോരയുടെ രുചിയറിയാം......
രൂപേഷ് വെട്ടിക്കവല
No comments:
Post a Comment